Os am flas o weithio yn y sector Gofal neu os angen cymorth i gyrraedd eich swydd ddelfrydol gall yr Academi Gofal eich helpu. Mae gennym amrywiaeth eang o wahanol opsiynau ar gael er mwyn eich arwain a chynghori wrth i chi ddewis eich gyrfa.
Mae rhai o wasanaethau Gofal Cyngor Gwynedd yn barod i agor eu drysau i bobl sydd eisiau deall mwy am y sector, deall mwy am y math o swyddi sydd ar gael, a deall mwy am beth mae gweithio yn y maes gwir yn ei olygu. Rydym yn hapus i groesawu pawb sydd efo diddordeb dilyn gyrfa yn y maes bod hynny yn gyfnod o wirfoddoli, yn brofiad gwaith neu yn waith cyflogedig.
Mae’r cynllun yn gyfle unigryw i unrhyw un ddatblygu gyrfa yn y sector Gofal yng Nghyngor Gwynedd. Byddwch yn derbyn profiadau ymarferol ac yn cael amryw o gyfleoedd i ddatblygu drwy gael eich mentora gan arbenigwyr yn y maes. Bydd cyfleoedd datblygu parhaus ar gael i chi gael meithrin a datblygu eich sgiliau i sicrhau gyrfa hir a llwyddiannus o fewn gwasanaethau Gofal Cyngor Gwynedd.
I fynegi eich diddordeb, cwblhewch yr holiadur yma a daw aelod o staff yn nôl atoch cyn gynted â phosib.
