Mae‘r amcan yn addo “Cryfhau a dyfnhau capasiti ac ymrwymiad staff ac Aelodau Etholedig Cyngor Gwynedd ym maes Cydraddoldeb, trwy sicrhau eu bod yn derbyn yr hyfforddiant cywir.”

• Pwynt gweithredu 1 – Creu rhaglen hyfforddiant cydraddoldeb sy’n addas ar gyfer pob aelod o staff, ac ar gyfer Cynghorwyr, er mwyn iddynt ddeall yn well eu dyletswydd tuag at gydraddoldeb.
• Pwynt gweithredu 2 – Diweddaru’r wybodaeth sydd ar y mewnrwyd i Gynghorwyr  gan gynnwys canllawiau hyfforddi a gwybodaeth sy'n berthnasol i'r maes cydraddoldeb.
• Pwynt gweithredu 3 – Rhoi mwy o wybodaeth am gydraddoldeb mewn hyfforddiant arall, fel yr hyfforddiant Croesawu i’r Cyngor (i staff newydd) a Ffordd Gwynedd (y ffordd mae’r Cyngor yn gweithio). 

Erbyn diwedd y cyfnod (diwedd Mawrth 2024) rydym yn ffyddiog y byddwn ni wedi creu rhaglen o hyfforddiant er y bydd mwy i’w wneud.  Mae pwyntiau gweithredu 2 a 3 wedi eu gwneud yn barod.