Ardoll Ymwelwyr Gwynedd

Mae Cyngor Gwynedd yn ymgynghori ar y posibilrwydd o gyflwyno Ardoll Ymwelwyr yn y sir. Rydym eisiau eich barn fel trigolion, busnesau, ymwelwyr neu randdeiliaid er mwyn eu hystyried yn ein trafodaethau.

Beth yw'r Ardoll Ymwelwyr?

Bydd yr Ardoll yn dâl dyddiol a delir gan bobl sy'n aros dros nos mewn llety i ymwelwyr, megis gwestai, bythynnod gwyliau, llety gwely a brecwast, a meysydd gwersylla.

Ei nod yw cefnogi cymunedau, diwylliant a’r iaith Gymraeg, busnesau, cyfleusterau a’r amgylchedd leol trwy ail fuddsoddi’r incwm yn ôl yn yr ardal.

Cyfraddau'r Ardoll

• Maes gwersylla pebyll a llofftydd a rennir (hosteli a dorm): £0.75 y person y nos (£0.90 yn cynnwys TAW)
• Pob math arall o lety gwyliau (carafán, cartref modur hunan-ddarpar, gwely a brecwast, gwesty, ayyb.): £1.30 y person y nos (£1.56 yn cynnwys TAW)

Eithriadau

Ni fyddwch yn talu'r Ardoll Ymwelwyr os ydych chi:

• o dan 18 oed ac yn gwersylla mewn pabell neu'n aros mewn ystafell a rennir gydag eraill (fel llety math hostel neu ystafelloedd aml-wely)
• yn aros mwy na 31 noson ar un archeb
• yn aros mewn llety brys neu dros dro a drefnwyd gan y cyngor lleol

Nid yw Cyngor Gwynedd wedi gwneud penderfyniad eto ynghylch cyflwyno Ardoll yn lleol, ond mae Cynnig Ardoll Gwynedd wedi ei baratoi i osod allan sut allai Ardoll gael ei weithredu yn lleol.

Dogfennau perthnasol

• Cynnig Ardoll Gwynedd
• Asesiad Economaidd
• Asesiad Cydraddoldeb
• Asesiad Cyfansawdd
• Asesiad Amgylcheddol
• Asesiad Cymdeithasol

Datganiad preifatrwydd

Byddwn yn defnyddio unrhyw wybodaeth bersonol a gyflwynir i bwrpas dadansoddi’r holiadur yn unig. Bydd yn cael ei rhannu efo cwmni allanol i bwrpas dadansoddi’r canlyniadau. Bydd unrhyw adroddiadau cyhoeddus yn ddi-enw. Cedwir y wybodaeth bersonol am 5 mlynedd.
Mae hyn yn cael ei wneud o dan erthygl 6(1)(e) o’r UK GDPR, gan fod yr ymgynghoriad yn un statudol.

Ymwadiad: Mae’r ymgynghoriad hwn yn casglu gwybodaeth am gyfeiriad IP er mwyn atal ymatebion dyblyg neu awtomataidd. Defnyddir y wybodaeth hon yn unig i ddiogelu cywirdeb canlyniadau’r ymgynghoriad ac ni chaiff ei defnyddio i adnabod ymatebwyr yn bersonol. Caiff yr holl ddata ei brosesu’n ddiogel ac yn unol â’r deddfau diogelu data perthnasol.